''ඔවුන් උපයෝගී කරගෙන තිබෙන්නේ ජංගම දුරකථන සහ ඒ ඔස්සේ 'වට්ස්ඇප්' පහසුකම්'' ආචාර්ය සුජාතා ගමගේ බීබීසී සිංහල අංශය විසින් කරනලද විමසීමක දී සඳහන් කළාය.
''ස්මාර්ට්ස් දුරකතනවල ළමුන්ගේ අවධානය වෙනත් දිශාවන්ට යොමුකෙරෙන දේවල් වැඩියි. ඒ නිසා අපි හිතන්න ඕන ළමුන් අතට දීම යහපත්වන්නේ මොනවගේ මෙවලමක් (device)දෙනවද කියන කාරණය ගැන. ඒ වගේම ගෙදරදී පාවිච්චියයි පාසලේ දී පාවිච්චියයි යන දෙක වෙනස් දෙයක් කියල හිතන්න නරකයි. කොවිඩ් කාලෙදි පාසල සහ ගෙදර යන දෙක අධ්යාපනයේ දී වෙන්කරන්න බැරි වුණා.''
''ඔවුන් ෆේස්බුක් බලනවා. ඉන්ස්ටග්රෑම් වලට යනවා. ඒවා නතරකරන්න අමාරුයි. ඒ නිසා පන්ති කාමරය තුළ තාක්ෂණය භාවිත කළ යුතුවන්නේ අධ්යාපන ක්රියාවලියට අවශ්යනම් පමණයි''
එවැනි පසුබිමක් යටතේ බ්රිතාන්ය අධ්යාපන ලේකම්වරයා පාසල් දරුවන් ජංගම දුරකථන භාවිතය සම්බන්ධයෙන් දරන ස්ථාවරය නිවැරදි එකක් වන බව තම අදහස යැයි ඇය සඳහන් කළාය.
සිය අදහස තහවුරු කරමින් තවදුරටත් අදහස් දැක්වූ ආචාර්ය සුජාතා ගමගේ කොවිඩ් වසංගත සමයේ දෙමව්පියන් ඔවුන්ගේ ජංගම දුරකතන දරුවන්ගේ අධ්යාපන කටයුතුවලට දුන් අතර ඇතැම් අවස්ථාවන්හි එමගින් වෙනත් අයහපත් ප්රතිපල උද්ගතව ඇතැයි ද කියාසිටියාය.
''එමගින් ළමුන්ට ඔවුන්ගේ දෙමව්පියන්ගේ ජංගම දුරකතනවල ඇතුළත් ඔවුන්ගේ පෞද්ගලික තොරතුරු බලාගන්න අවස්ථාව ලැබුණා.''
''මෙම ප්රශ්නයේ තවත් පැත්තක් තියෙනවා. ළමුන් පාසලේ දී ජංගම දුරකථනයට ඇබ්බැහිවීම නිසා සෙසු ළමුන් සමඟ සම්බන්ධවීම බිඳ වැටෙනවා. ළමුන්ට සිය සගයන් සමඟ මුසුවීමට තියෙන හොඳම අවස්ථාව පාසල''
පාසල් දරුවන් පාසලේ දී ජංගම දුරකථනවලට ඇබ්බැහිවීමෙන් ඔවුන් අතර සිදුවෙන කතාබස් කිරීම් සංවාද වැනි සියල්ල ඔවුන්ට අහිමිවන බව ශ්රී ලංකා අධ්යාපන සංසදයේ සම සම්බන්ධීකාරිකා ආචාර්ය සුජාතා ගමගේ පෙන්වා දෙයි.
